Proper Mannies cricket is ca'd rounders.

Rules:

'Batter' has a stick .... preferably flat faced ... easily formed by pullin apart an abandoned pallet an' adjustin a flat stick's lentgh by brakkin ower the knee.

Bowler has a ba' .... maybe a tennis ba' ... of origin unknown, but equally possibly a foam baa ... of the kind generally used by quines playin 'baas' ... ken? rhythmically stottin them aff inside lobby waas, along wi a nursery rhymish song ... tae the distraction, an' sporadical fury o' tennants.

The aim?

Bowler flings the baa.

Batter ... err batters the baa. Batter rins up an doon the pathie coontin rins.

There wis never a wicket ... but there wis varyin rools tae coont ye oot.

1. The 'wicket' wis the front door at the top o' the pathie.
2. Ye could always be catched oot
3. Ye could be 'ticked' by somebody fa's huddin the baa
4. Maist sensible ... considerin' ye could wallop a baa aboot a hunner yards while ye ran like 5 yards an' back per point, an' hope the runner had tae hing back tae watch oot for cars, yer rin stops fan a rinner huds the baa up an' shouts stop.

The nearest 'rounders' got tae cricket or .. dare a say, fkn baseball, was fan it wis played in a 'washin green' wi 4 tae 6 poles brought intae play. ...

Then again, there wis a few mair interestin games played atween washin poles Ah darena even describe cos Ah wis too young tae understand